各位好, 又係我這個死不改過的老狗. 如果大家仲有耐性睇到今日依篇慶典, 相信你都知道依個狗竇己經有兩年歷史.而且周年慶典係唔會如期進行. 甚至到左第四年至搞三周年慶典.加上雖然命名為Blog, 但係更新周期比亂食藥的女性經期更亂(誤)).而且內容極盡個人惡趣味, 完全不願讀者立場.
系色望先生對於本Blog的評語是:
環顧過去一年,本狗在小說上工作都是以散打式進行中, 常常逼使自己去更新, 諗橋(可以叫扭橋)
當初睇到有人寫小說時,同時又招集人物同時,十分有代入感, 到左後來, 等唔切更新, 暑假無聊之時, 突發奇想,以前自己同友人一齊諗小說就諗得多, 動手寫真係少之又少, 某程度因為以前自己唔曉打中文, 用手寫板一隻隻字寫入電腦, 寫到一半就冇哂癮.所以好多小說都胎死腹中. 但現在中文又識打, 都冇咩理由唔將幻想化為文字, 於是就自己動手寫, 算係痴人啲水去寫野. 我發覺, 我自己好難去由零變到有, 只可以建基於一個根基上才可以自由發揮.所以我比較善長寫補完或外傳. 以一個完整的世界觀下創作, 但自己卻不能做出一個完整嘅世界觀.透過今次創作街道風雲外傳,都算係一個睇清自己創作上的本質,不停令自己諗野, 算係一個不錯的經驗與收鑊.
現時小說進度到十七話, 自己預左廿五話左右就完結, 當然, 只是預計, 有可能會超出這個數.
好多時都將自己的想法放在主角古月雲身上, 當作向外界宣揚自己想法, 但古月雲係將之極端化, 行為思想上都比本狗偏激,我唔會將自己創作出黎人物完美化, 佢地都係活生生的人,有弱點, 有負面的一面, 所以古月雲唔可能係一個文武雙存, 高大威猛, 十項全能人.
各位來賓對於本狗好似有些微言:
下年展望, 希望可以有多d圖比我繼續厄版面.
